Bible Study
መጽናዕቲ መልእኽቲ ጳውሎስ ናብ ሰብ ፊሊጲ
ሃዋርያ ጳውሎስ ኣብ ሮሜ ተኣሲሩ ፍርዱ አንዳተጸበየ ከሎ ሓያሎ መልእኽትታት ጽሒፉ እዩ። ኣብዚ ኩነታት እንከሎ ዝጸሓፈን መልእኽትታቱ ብመምሃራን መጽሓፍ ቕዱስ ፡ መልእኽቲ ቤትማእሰርቲ፡ ተባሂለን ይጥቀሳ። ንሳተን ድማ፡ መልእኽቲ ናብ ሰብ ኣፌሶን፡ ናብ ሰብ ፊሊጲ፡ ናብ ሰብ ቆሎሴን ናብ ፊልሞናን እየን።
ፊሊጲ ሓንቲ ካብተን ህቡባት ከተማ ሮማውያን ኣብ ግዝኣት መቄዶንያ እትርከብ ክትከውን ከላ ጳውሎስ ነቶም ኣብኣ ዝቅመጡ ኣመንቲ አዩ ነዛ መልእኽቲ እዚኣ ዝጽሓፋ።
እዛ ማሕበር እዚኣ ጳውሎስ ምስቶም ምዓይይቱ ኮይኑ ኣብ መበል ካልኣይ ጉዕዙኡ እዩ መስሪትዋ። ኣብ ሳልሳይ ጉዕዙኡ ውን በጺሕዎም ኔሩ እዩ።
ብተወሳኺ እዞም ሰብ ፊሊጲ ብኤጳፍራዲጦስ ጌሮም ንጳውሎስ ኣብ ቤትማእሰርቲ ከሎ ህያብ ልኢኾምሉ ኔሮም። ንዕኡ ድማ ኣብ ደብዳቤ መልሲ ክእበሉ ከሎ ንዕዘብ።
