. . . ክንዲ ቋንቋይ!
እቲ ኣብ ውሽጠይ ዘሎ ናይ መንፈስ ሓዊ
ሰናይ ምኻንካ ዝገለጸ ሃልሃልታ ፍቕሪ
ልበይ ዘሰነፈ ናይ መንፈስካ ርትዒ
ውሽጠይ ዘምከኸ ከም ስምዒ
ገይሩኒ እምበር ኪኸውን ነባዒ
ሓደ እዋን ብጓሂ ዝነበረ
ዓቕሊ ዘጽብብ ዙርያይ ምስ ከበበ
ብምብጻሕካ ግን ተጸናኒዐ
ሓጎሰይ ክገልጽ ከኣ ዓይነይ ነብዐ
ውሽጠይ ዝርዳእ ንዓኻ እንድየ ረኺበ
ኣእዛነይ ስለእተኸፍታ ንዓኻ ክሰምዕ
ሰይፊ ቃልካ ልበይ ዝበስዕ
ደገፍ ጸጋኻ ኣባኻ ዘጽንዕ
ስሕበት ፍቕርኻ ናባኻ ዘጸግዕ
ምሕረትካ እናኽዝክር ግን ዓይነይ ይነዝዕ
ስለእተዘከርኩ ኣነ ርሱዕ
ብመዝሙር ንዓኻ ክውድስ
ብህላውነትካ ሰለ ዝሕጎስ
ውሬታ ክመልስ ከቕርብ ምስጋናይ
ክገልጽ ሰናይካ ብውሑድ ቃላተይ
ንብዓተይ ግን ይቕድም ንምኽፋት ኣፈይ
“ተመሰገን የሱስ” ክብል ክገልጽ ሓጎሰይ
ንብዓተይ ይዛሪ ኮይኑ ክንዲ ቋንቋይ !!
“ሓይሎም ብኣኻ ዝኾነ፣ ብልቦም መገድኻ ዝሓስቡ ሰባት ብጹኣን እዮም። ብለሰ ብኽያት ኪሓልፉ ኸለዉ ዓይኒ ማያት ይገብርዎ፣ ዝናም ኣዝመራውን ብበረኸት ይኸድኖ። ካብ ሓይሊ ናብ ሓይሊ ይኸዱ፣ ኣብ ጽዮን ኣብ ቅድሚ ኣምላኽ ይቖሙ።” (መዝ 84፣5-7)
