ድሎ ከይትዕሎ
ድሎ ከይትዕሎ
ካብ ሕቑፊ ናብ ፍሑኽ
ካብ ፍሑኽ ናብ ታተ ታተ
ሰጊሩ ጉያ ምስ ተኻእሎ
መንከ ኣሎ ዝዕንቀፍ ዝመስሎ
መንከ ኣሎ ዝወድቕ ዝመስሎ
ሎሚ ግን እብለካ ኣሎ
“ድሎ”
ቃሉ ኣንብብ ድሎ!
ተንበርከኽ ጸሊ ድሎ!
ሕበር ተኻፈል ድሎ!
እቲ ናይ ፈተና ግዜ ከይመጸ እንከሎ
ጥሉል ኣእዋምካ ደርቂ ኸይዓብለሎ
ፍርዲ ኸይወጸ ከይከደነ ጸለሎ
ሓወይ ድሎ ኣዳልው ተዳሎ
ናብ ዝፋን ጸጋ ቕረብ ድሎ!
ጢናኻ ምላእ ድሎ!
ኣይትደቅስ ንቓሕ ድሎ!
እቲ ዝወደቐ ይተንስእ ይዳሎ
ሓመዱ ይንገፍ ርግጾኡ የደልድሎ
እቲ ደው ኢሉ ዘሎ
ይጠንቀቕ ይድሎ
ምእንቲ ኸይወድቕ ከይዕሎ!
“ስለዚ ምሕረት ምእንቲ ኽንቅበል: ብጊዜ ጸበባውን ንረዲኤትና ዚኸውን ጸጋ ኽንረክብ፡ ብትብዓት ናብ ዝፋን ጸጋ ንቕረብ።” እብ. 4:16
ግጥሚ ንዝርድኦ-03-2012
